Жүзгіш Ғалымжан Балабек әлем кубогы кезеңінде ұлттық рекордты жаңартты

Жүзуден Қазақстан құрамасының спортшысы Ғалымжан Балабек Ташкентте (Өзбекстан) өтіп жатқан әлем кубогының кезеңінде ел намысын қорғап жатыр, деп хабарлайды Elordainfo.kz Ұлттық Олимпиадалық комитетке сілтеме жасап.

Отандық спортшы 400 метрге еркін әдіспен жүзуде 3:47.13 уақыт нәтижесін тіркеп, 12-орынға тұрақтады. Осы көрсеткіші арқылы Ғалымжан Балабек Қазақстан рекордын жаңартты.

АҚШ өкілі Карсен Фостер алтын медаль жеңіп алды - 3:37.39. Күміс жүлде бельгиялық Лукас Пьер А. Энвоға бұйырды - 3:37.74. Ал Мэттью Колдуэлл (ОАР) үздік үштікті түйіндеді - 3:40.95.

Айта кетейік, әлем кубогының кезеңі 10 қазанға дейін жалғасады.

Еске салсақ, Қазақстан футбол федерациясының Бас хатшысы Скотт Манн ұлттық құраманың соңғы нәтижесіне қатысты жанкүйерлерге үндеу жасады.