ШЫҰ байқаушылары дауыс беруге дайындықты жоғары бағалады

Фото: Орталық коммуникациялар қызметі

ОКҚ алаңында өтіп жатқан «Референдум – 2026» онлайн марафоны барысында Шанхай Ынтымақтастық Ұйымы бас хатшысының орынбасары Олег Копылов өз пікірін айтты. Оның сөзінше, ШЫҰ миссиясы Қазақстанда 16-рет жұмыс жүргізіп отыр, деп хабарлайды Elordainfo.kz.

«Астанаға келу біз үшін әрдайым қуанышты. Біз жұмысымызды кеше бастадық. Астана қаласы мен Ақмола облысындағы бірқатар учаскені аралап, олардың техникалық дайындығын тексердік. Дайындық деңгейін жоғары деп бағалаймыз. Бүгін таңғы сағат 7.00-де бірнеше учаскенің ашылуынан бастап жұмысымызды жалғастырдық. Жалпы алғанда, ұйымдастыру мен техникалық дайындық ең жоғары деңгейде», – деді Олег Копылов.

Еске сала кетсек, ШЫҰ миссиясы Жалпыұлттық коалицияның Астана қалалық филиалында болды.