«Elorda Aqparat» ЖШС-ның үгіт-насихат, баспа материалдарын орналастыру шарттары туралы хабарламасы

Фото: ОСК

«ElordaAqparat» ЖШС, «Astana Aqshamy», «Вечерняя Астана» газеттерінің және Elorda.info желілік басылымының меншік иесі ретінде, Қазақстан Республикасының 1995 жылғы 28 қыркүйектегі «Қазақстан Республикасындағы сайлау туралы» Қазақстан Республикасы Конституциялық заңына және Қазақстан Республикасы Президентінің 2026 жылғы 12 қазандағы № 1521 «Барлық деңгейдегі мәслихаттардың өкілеттігін мерзімінен бұрын тоқтату туралы» Жарлығына сәйкес мәслихат депутаттарын кезектен тыс сайлау кезіндегі үгіт-насихат, баспа материалдарын орналастыру үшін баспа алаңдарын ұсыну шарттары туралы хабарлайды.

МЕКЕМЕГЕ ЖОЛДАНАТЫН ЖАЗБАША ӨТІНІШТЕ МЫНАДАЙ МӘЛІМЕТТЕР КӨРСЕТІЛУІ ТИІС:

- Жазбаша өтініштің тіркеу нөмірі, күні және уақыты;

- Кандидаттың тегі, аты, әкесінің аты (бар болса), сондай-ақ өтініш беруші сенім білдірілген тұлғаның тегі, аты, әкесінің аты (бар болса);

- Өтініш беруге өкілеттігін растайтын құжаттар: кандидаттың (немесе сенім білдірілген тұлғаның) жеке басын куәландыратын құжат, уәкілетті мемлекеттік орган берген кандидаттың (немесе сенім білдірілген тұлғаның) куәлігі немесе Қазақстан Республикасының заңнамасына сәйкес өзге де құжат;

- Жоспарланған баспа алаңының көлемі мен жариялану мерзімі, үгіттік баспа материалының түрі көрсетілген өтініштің мазмұны; Кандидаттың немесе сенім білдірілген тұлғаның қолы.

Жазбаша өтініштерді қабылдау 2026 жылғы 1 қараша күні сағат 18.00-ден басталады және 2026 жылғы 27 қараша күні сағат 24.00- де аяқталады.

Үгіт-насихат материалдары мына мекенжай бойынша қабылданады: Астана қаласы, Достық көшесі, 13, 222-кабинет.

Жарияланатын материалдарда олардың төленгені туралы ақпарат, материалдың шығарылуына жауапты тұлғалар, қаржыландыру көздері және ақпаратты ұсынған тұлғаның тегі көрсетілуі тиіс.

Баспа материалдарын орналастыру кезектілігін «Elorda Aqparat» ЖШС жазбаша өтініштердің келіп түсу ретіне қарай белгілейді.

Үгіттік материалдар «Elorda Aqparat» ЖШС-на газет жарық көретін күнге дейін кемінде 1 (бір) жұмыс күні бұрын модуль немесе мақала түрінде ұсынылуы және шартқа қол қоюға уәкілетті тұлғаның қолымен расталуы тиіс.

Газеттің үгіт-насихат баспа материалдарын орналастырудан бас тартуға құқығы бар, егер оларда конституциялық құрылысты күшпен өзгертуге үндеу, республиканың тұтастығын бұзуға бағытталған әрекеттерді насихаттау, мемлекеттің қауіпсіздігіне нұқсан келтіру, әлеуметтік, нәсілдік, ұлттық, діни немесе рулық араздықты тудыру, қатыгездік пен зорлық-зомбылықты насихаттау, сондай-ақ Қазақстан Республикасының заңнамасында көзделмеген әскерилендірілген құралымдарды құруға үндеу немесе Қазақстан Республикасының заңнамасында көзделген өзге де негіздер болған жағдайда.

Газет сондай-ақ кандидаттың немесе саяси партияның ар-намысына, қадір-қасиетіне және іскерлік беделіне нұқсан келтіруі мүмкін ақпарат қамтылған жағдайда материалды жариялаудан бас тартуға құқылы.

Осы хабарламада көрсетілген баспа алаңдарын ұсыну шарттары мен тәртібі уәкілетті органдардың талаптарына сәйкес өзгертілуі мүмкін.

БАСПА АЛАҢДАРЫН ҰСЫНУ ҮШІН ТӨЛЕМ МӨЛШЕРІ

Қызмет түрі:	Құны, ҚҚС-мен бірге
«Вечерняя Астана» және «Astana Aqshamy» газеттерінде жарияланымның 1 шаршы сантиметрін орналастыру құны (ҚҚС-пен бірге)	1 265 теңге
Жарияланымды vechastana.kz және astana-akshamy.kz сайттарында қайталап орналастыру құны (ҚҚС-пен бірге)	30 000 теңге
Жарияланымды Elorda.info желілік басылымында қайталап орналастыру құны (ҚҚС-пен бірге)	30 000 теңге
Тапсырыс беруші ұсынған мақаланы (2500 таңбаға дейін, бос орындарымен бірге) Elorda.info желілік басылымында орналастыру құны (ҚҚС-пен бірге)	40 000 теңге
Мақаланы жазу және оны (2500 таңбаға дейін, бос орындарымен бірге) Elorda.info желілік басылымында жариялау құны (ҚҚС-пен бірге)	80 000 теңге
Баннер:
Баннер жоғарғы жағында 1000*90 pxl (1 тәулік)	8000 теңге
Баннер ортасында 1000*90 pxl (1 тәулік)	7000 теңге
Баннер шетінде 350*300 pxl (1 тәулік)	6000 теңге
Баннер астында 700*90 pxl (1 тәулік)	6000 теңге