Астаналық көпбалалы аналар мемлекеттік наградаларға ие болды

Халықаралық әйелдер күні қарсаңында сегіз көпбалалы ана ел Президентінің мемлекеттік наградаларымен марапатталды, деп хабарлады Elordainfo.kz.

Олардың екеуі жеті баланы дүниеге әкелгені және тәрбиелегені үшін «Алтын алқа» орденін алды, ал алты ана алты бала үшін «Күміс алқа» алқалармен марапатталды.

Салтанатты марапаттау рәсімі «Нұра» ауданында өтті. Аудан әкімі Ришат Тұрдыбеков әйелдерді келе жатқан мерекемен құттықтап, ел болашағына қосқан баға жетпес үлестері үшін алғыс айтып, лайықты наградаларын табыс етті.

«Ана еңбегі – үлкен жауапкершілік және күнделікті ерлік. Қоғамның болашағын анықтайтын негізгі құндылықтарды бойға дарытатын – сіздер. Көпбалалы аналарды қолдау – мемлекеттің маңызды міндеттерінің бірі», - деді аудан әкімі.

«Алтын алқа» және «Күміс алқа» марапаттары – ою-өрнекпен жиектелген сопақ пішінді жезден жасалған медальдар. Жібек бауға тағылған алқада алақанда аяланған сәбидің бейнесі және күн шапағы бейнеленіп, айшықты өрнекпен көмкерілген.

«Мен үшін бұл марапат жай ғана құрмет белгісі емес, әр ананың еңбегінің бағаланғаны. Бала тәрбиесі – үлкен жауапкершілік, сонымен бірге ең үлкен бақыт. Көпбалалы отбасыларға көңіл бөліп, қолдау көрсетіп жатқан мемлекетке алғыс айтамыз», - деді «Күміс алқа» иегері Мөлдір Әнуарбек.