Алдағы 3 күнде Астанада ауа райы қандай болады

«Қазгидромет» РМК алдағы күндерге арналған ауа райы болжамын ұсынды, деп хабарлады Elordainfo.kz.

«Өткен күндері елдің солтүстік жартысында байқалған суық біртіндеп шығысқа қарай жылжи бастайды, онда жаңбырдан кейін ауа температурасы төмендейді, ал түнде жекелеген аймақтарда аяз күтіледі. Бірақ негізгі суық біртіндеп Қазақстаннан тыс жерлерге ауысқанына қарамастан, суық ауа массаларымен қоректенетін солтүстік-батыс антициклоны ауа температурасының қатты көтерілуіне жол бермейді: түнде ол әлі де болады, ал күндіз термометрлердің бағандары 20-25 жылуды тіркейді. Республиканың батысы мен оңтүстігінде ғана тұрғындар жазды сезінеді – мұнда ауа 29 мамырда күндіз 30-35 градусқа дейін қызады», - деп жазылған хабарламада.

Астанада 27 мамырда  күн бұлтты болады. Желдің жылдамдығы 3-8 м/с, күндізгі екпіні 9-14 м/с. Ауа температурасы түнде 3-5, күндіз 19-21 °C.

28 мамырда жауын-шашынсыз. Желдің жылдамдығы 9-14 м/с, күндізгі екпіні 15-20 м/с. Ауа температурасы түнде 10-12, күндіз 21-23°C.

29 мамырда күн бұлтты әрі жауын-шашынсыз. Желдің жылдамдығы 9-14 м/с. Ауа температурасы түнде 10-12, күндіз 22-24°C.