Еуразия ұлттық университетінде «Жемқорлықсыз болашақ» атты республикалық тәжірибелік семинар өтті

Семинарға Л.Гумилев атындағы ЕҰУ әлеуметтік-мәдени даму жөніндегі проректор, академик Д. Қамзабекұлы, ҚР Білім және ғылым министрлігі заң департаменті парасаттылық басқармасының басшысы А.Жүсіпов, Нұр-Сұлтан қаласы Сыбайлас жемқорлыққа қарсы іс-қимыл департаменті басшысының бірінші орынбасары Ж.Жылқышиева, Республикалық ақпараттық үгіт-насихат штабының төрайымы белгілі этнодизайнер, қоғам қайраткері Ырза Тұрсынзада, Сыбайлас жемқорлыққа қарсы жалпыұлттық қозғалыс «Жаңару» республикалық қоғамдық бірлестік төраға орынбасары, Нұр-Сұлтан қалалық филиалының директоры Д.Рахметуллин, ҚР Президенті жанындағы Мемлекеттік басқару академиясының Жемқорлыққа қарсы мәселелерді талдап-зерттеу бөлімінің жетекшісінің орынбасары Е.Жаров, Нұр-Сұлтан қаласының Жастар саясаты мәселелері басқармасының басшысы Д.Кәрібек, «Jas Otan» жастар қанатының төрағасы Е.Бейсенбаев, Л.Гумилев атындағы ЕҰУ оқытушы-профессорлары мен студенттері және аймақтардағы жоғары оқу орындары мен ғылыми институттардың Әдеп және сыбайлас жемқорлық тәуекелдеріне қарсы іс-қимыл жөніндегі уәкілдері онлайн режімі арқылы қатысты. Семинарды өткізудің негізгі мақсаты - ҚР Сыбайлас жемқорлыққа қарсы іс-қимыл туралы заңына енгізілген өзгерістерді жариялау, жастар арасында сыбайлас жемқорлыққа қарсы мәдениетті қалыптастыру, қоғамда парасататтылық, адалдық, сенім құндылықтарын барынша насихаттау, сондай-ақ сыбайлас жемқорлықпен күресуде тәжірибе алмасу. Семинар барысында қатысушылар тарапынан ұсыныстар айтылып, сұрақтарға жауап берілді. Семинар соңында Нұр-Сұлтан қаласы Сыбайлас жемқорлыққа қарсы іс-қимыл департаменті басшысының бірінші орынбасары Жазира Жылқышиева университет ректорына «Сыбайлас жемқорлыққа қарсы іс-қимылға қосқан үлесі үшін» атты белгісін және әлеуметтік-мәдени даму жөніндегі проректор, академик Дихан Қамзабекұлына, әдеп және сыбайлас жемқорлық тәуекелдеріне қарсы іс-қимыл жөніндегі уәкілі Еркебұлан Нұғымановқа ҚР Сыбайлас жемқорлыққа қарсы іс-қимыл агенттігінің алғыс хатын табыстады. Сыбайлас жемқорлыққа қарсы жалпыұлттық қозғалыс «Жаңару» республикалық қоғамдық бірлестігі төрағасының орынбасары, Нұр-Сұлтан қалалық филиалының директоры Дәулеткерей Рахметуллин «Сыбайлас жемқорлыққа қарсы үздік карикатура» байқауына қатысып, белсенділік көрсеткен Л.Гумилев атындағы Еуразия ұлттық универсиетінің студентерін дипломдармен және алғыс хаттармен марапаттады.