Жұмыс істейтін жастарға берілетін баспанаға онлайн өтініш қалай жолданады

ашық дереккөз

«Құжаттарды қабылдау онлайн түрде 1-6 желтоқсан аралығында astana.gov.kz сайты арқылы жүргізіледі. Ең бірінші қажет құжат – электронды цифрлық қолтаңба. Өтініш берушінің және отбасы мүшелерінің куәліктері, дипломының сканерленген нұсқалары, неке қию туралы куәлік, балаларының туу туралы куәліктері, өзінің және жұбайы мен балаларының атында жылжымайтын мүлік жоқтығы жайлы анықтама, жұмыс орнынан анықтама (егер мемлекеттік мекеме болса, анықтама жұмыс орнының бланк бойынша болуы керек) және еңбек қызметінің бүкіл кезеңі үшін зейнетақы аударымдары жайлы анықтама, банк шотының бар болуы, ондағы ақша қалдығы мен қозғалысы көрсетілуі, жетістіктері жайлы сертификаттың скан нұсқасы, соңғы алты айда ауырған немесе демалған болса оның да анықтамасы, 42 500 теңге алған болса, оның қозғалысының анықтамасы болуы керек», - дейді ол.

Сөзін жалғай отырып, қандай да бір сауалдар туындап жатса 109 нөміріне хабарласып білуге болатынын айтып өтті. Сол сияқты өтініштің қабылданған, қабылданбағаны, түзету қажеттілігі немесе қарастырудан бас тартылғаны туралы SMS-хабарлама жіберілетіні белгілі болды. «Негізгі бас тартудың себебі өтініш берушінің атында мүлкі болса немесе мекенжай анықтамасы болмаса, жасы келмеген жағдайда болып жатады. Ал түзету туралы хабарлама келсе, құжаттар жеткіліксіз болса орнын толтыруға бір күн уақыт беріледі», - дейді Арманай Мирасқызы. Сөз арасында 350 пәтерді іріктеу қандай жолмен жүргізілетінін қозғап өтті. «Іріктеу балдық жүйе бойынша жүргізіледі. Өтініш берушінің отбасы, балалары, жеке кәсібі болса, мемлекеттік қызметте жұмыс істейтін болса, қандай да бір жетістіктері болса балдар қосылып отырады», - дейді Нұр-Сұлтан қаласы әкімдігінің Тұрғын үй қорының баспасөз хатшысы. Өз сөзінде берілетін баспаналардың мекенжайларын айтып өтті. «Бұл пәтерлер Қордай-Қошқарбаев, Абылай хан-Момышұлы даңғылдарының қиылысында орналасқан. Пәтерлердің жалпы ауданы 31-47 шаршы метр аралығында. Бәрі – 1 бөлмелі пәтер. Іріктеу отбасы мүшелерінің санына орай жүргізіледі.

Әлеуметтік желілерді бөлісіңіз