«Үміт» дағдарыс орталығына жыл басынан бері 201 адам қабылданды

ашық дереккөз

«Қалалық әкімдіктің жанындағы «Үміт» дағдарыс орталығы 50 орынға арналған. Орталыққа тұрмыстық зорлық-зомбылыққа ұшыраған 18-58 жас аралығындағылар қабылданады. Сол сияқты кәмелеттік жасқа толмағандар да қабылданады. Бұл орталықта 1-6 ай бола алады. Жыл басынан бері 201 адам қабылданды. Оның ішінде 67 адам әйел адам болса, қалған 134-і - балалар. Қазіргі уақытта қызмет алушылар саны – 45. Оның ішінде 15-і - әйел адам, қалған 30-ы - балалар. Жыл басынан бері 216 қызмет алушы шығарылды. Оның арасында 71-і татуластыру арқылы, 127-сі өз қалауымен, ал 18-і тәртіп бұзуы себебімен шығарылды», - деді бас инспектор.

Елорданың бас инспекторы сөз арасында жапа шегушілерге қандай көмек көрсетілгенін қозғап өтті. «Орталық заңгерлері арқылы 124 құқықтық, ал психологтар 497 қызмет көрсетті. Сол сияқты 100-ден аса тренингтер өткізілді», - деді Мөлдір Бөлебаева.

Әлеуметтік желілерді бөлісіңіз