Елордада әйелдерге қатысты зорлық-зомбылықсыз 16 күн акциясы өтеді

ашық дереккөз

«Бүгін, яғни 25 қараша БҰҰ бастамасымен халықаралық әйелдерге қарсы зорлық-зомбылықты жою күні аталып өтіп жатыр. Сонымен бірге 10 желтоқсан халықаралық адам құқығы күніне дейін жалғасатын зорлық-зомбылықсыз 16 күн халықаралық акциясы басталады. Нұр-Сұлтан қаласының аумағында мүдделі мемлекеттік органдардың үкіметтік емес ұйымдардың, қоғамдық дағдарыстық орталықтарының және БАҚ өкілдерін тарта отырып, әйелдерге қатысты зорлық-зомбылыққа қарсы 16 күн республикалық акциясын өткізу әзірленді», - дейді бас инспектор.

Мөлдір Бөлебаева сөзін жалғай отырып, ұйымдастырылғалы тұрған акцияның мақсат-мүддесін түсіндіріп өтті. «Акцияның негізгі мақсаты - көпшілікті әйелдерге қатысты зорлық-зомбылықты ескерту, алдын алу, осы іске бейім адамдармен жеке профилактикалық жұмысты жүзеге асыруға бағытталған жүйені қалыптастыру бойынша қабылданып жатқан шаралармен таныстыру, сондай-ақ зорлық-зомбылыққа ұшыраған отбасы мүшелеріне психологиялық-құқықтық көмек көрсету, отбасылық құндылықтарын арттыру, жапа шеккендерді оңалту, БАҚ беттерінде сенім телефондары және дағдарыс орталықтары туралы хабардар ету, сонымен қатар, халық арасында құқықтық түсіндіру жұмыстарын өткізу, тұрмыстық қылмыстар мен құқықбұзушылықтардың алдын алу боылп саналады», - дейді елорданың бас инспекторы.

Әлеуметтік желілерді бөлісіңіз