Асқар Мамин Азия даму банкінің ҚР-дағы директорын қабылдады

Тараптар инфрақұрылымды, шағын және орта бизнесті, денсаулық сақтауды дамыту және пандемия салдарының Қазақстан экономикасына әсерін азайту жобаларын іске асыруда ҚР мен АДБ-ның одан әрі ынтымақтастығының перспективаларын талқылады. 1994 жылдан бастап АДБ Қазақстанда қаржы, инфрақұрылым, энергетика, коммуналдық қызметтер секторы және басқа да салаларды дамыту жөніндегі мемлекеттік жобаларды іске асыруға $5,1 млрд-тан астам қарыз бөлді. АДБ $50 млн-ға көлік және ауыл шаруашылығы кешендерінде, білім беруде, денсаулық сақтауда, шағын және орта бизнесті дамытуда 100-ге жуық техникалық көмек жобасын қаржыландырды. Көлік, коммуналдық қызметтер, мал шаруашылығы және т.б. салалардағы жеке сектор жобаларын іске асыруға $628 млн-нан астам қаражат бөлінді.