Алтай Көлгінов Орталық теміржол ауруханасын жаңғырту мәселесі бойынша инвесторлармен кездесті

ашық дереккөз

"Ruzgar Tedavi Hizmetleri Company" компаниясының өкілдері мемлекеттік- жекеменшік серіктестік аясында аурухананың жаңа корпустарын салуға да мүдделі. Инвесторлар осы медициналық мекемеге барып, стационардың қабылдау, диагностикалық және жалпы хирургия бөлімдерінің және т.б. жұмысымен танысты. Бұл компанияның денсаулық сақтау нысандарын салуда айтарлықтай тәжірибесі бар", - деп жазды Алтай Көлгінов.

[caption id="attachment_46968" align="alignnone" width="853"] Фото: Алтай Көлгінов/Instagram[/caption] Сонымен қатар ол орталық теміржол ауруханасының жөндеу жұмыстары туралы атап өтті. "Елорданы одан әрі дамыту жөніндегі кеңесте Мемлекет басшысы орталық теміржол ауруханасының апатты жағдайын атап өтті. Ғимаратты күрделі жөндеу 60 жыл бойы жүргізілген жоқ. Аурухана жұмысын қолдау үшін екі корпуста ғимаратқа ағымдағы жөндеу жүргізілді. Жеке инвестицияларды тарту есебінен аурухананы одан әрі жаңғырту мәселесі жұмысқа алынды. Сонымен бірге осы аурухананың орналасқан жері мен ауданда халық тығыз орналасқанын ескере отырып, Сарыарқа ауданында мемлекеттік- жекеменшік серіктестік аясында 800 орындық көпсалалы аурухана салынады. Медициналық мекеме әлемдік стандарттарға сәйкес заманауи жабдықтармен жабдықталады", - деді әкім.