Елорда экономикасының 57%-ын шағын және орта бизнес құрайды

Оның айтуынша, қазіргі таңда елорда аумағында 161 мың шағын және орта бизнес өкілі жұмыс істеп жатыр. 

Сондай-ақ ол аталмыш басқарманың бизенсті дамытуда қандай қызмет түрлерін ұсынатынына тоқталды.

“Біздің басқарма Агроөнеркәсіптік кешенді дамытудың 2017-2021 жылдарға арналған мемлекеттік бағдарламасы бойынша 9 қызмет, “Бизнестің жол картасы” бағдарламасы бойынша 2 қызмет, туристік-операторлық қызметке лицензия беру бойынша 1 қызмет атқарады”, – деді ол "Бизнес-климатты құратын мемлекеттік қызметтер"тақырыбында кәсіпкерлер форумында сөйлеген сөзінде. 

Жиын барысында Нұр-Сұлтан қаласы бойынша Мемлекеттік қызмет істері жөніндегі агенттік департаментінің басшысы Жандос Сәрсен отандық кәсіпкерлердің мемлекеттік қызметтерді алуда әлі де бюрократия, электронды үкіметтегі ақаулар, қызмет алушылардың өздерінің енжарлығы, техникалық жабдықталудың әлсіздігі кедергі келтіретінін атап өтті. 

Сонымен қатар басқосу кезінде кәсіпкерлерге жерді пайдалану саласына, салық салуға, БЖК 2025 бойынша гранттар алу процесіне және т. б. қатысты сұрақтарға жауап берілді.

Айта кетейік, аталмыш іс-шара ҚР Мемлекеттік қызмет істері агенттігінің Нұр-Сұлтан қаласы бойынша департаменті мен Нұр-Сұлтан қаласының "Атамекен" өңірлік кәсіпкерлер Палатасының қолдауымен өткізілді.