Бұл жөнінде ҚР Су ресурстары және ирригация министрлігінің баспасөз хатшысы – ресми өкілі Алмас Мұсабековтің Орталық коммуникациялар қызметі алаңында айтты, деп хабарлады Elordainfo.kz.

Оның айтуынша, 2 маусымдағы жағдай бойынша Алматы және Жетісу облыстарындағы ірі су қоймаларына 18,8 млрд текше метр су жиналды. Бұл жобалық сыйымдылықтың 85%-ы. Жамбыл облысында Киров су қоймасын қоса алғанда 1 млрд 245 млн текше метр су немесе 82% су жиналды.

«Суару маусымында елімізге Шу өзені арқылы 180 млн текше метр, Талас өзенімен 400 млн текше метр, Шардара су қоймасына шамамен 3,7 млрд текше метр көлемінде су келеді деп күтілуде», - деді спикер ОКҚ алаңында өткен баспасөз конференциясында.