Жеңіс Қасымбек аруларды 8 наурыз мерекесімен құттықтады

Фото: Жеңіс Қасымбек/ Instagram

Елорда әкімі мерекелік құттықтауын Instagram-дағы парақшасында жариялады , деп хабарлайды Elordainfo.kz.

Құрметті Астана қаласының тұрғындары! Сіздерді 8 наурыз – Халықаралық әйелдер күні мерекесімен шын жүректен құттықтаймын!

Сіздер қаламызға өзіндік ерекшелік пен жылулық бересіздер. Білім мен медицина саласында, бизнесте және мемлекеттік қызметте, ғылымда, мәдениетте және өндірісте еңбек ете отырып, елордамыздың дамуына күнделікті өз үлестеріңізді қосып жүрсіздер. Сіздер жауапкершілікті сенімді түрде арқалап, кәсіби белестерді бағындырып келесіздер, сонымен бірге адамгершілік қалыптарыңыздан өзгермей, жақындарыңызға қамқорлық көрсетесіздер.

Заманауи Астана сіздердің еңбектеріңіздің, таланттарыңыздың және батыл қадамдарыңыздың арқасында қалыптасып келеді. Ал біздің міндетіміз – әрбір әйел адам өз әлеуетін толық жүзеге асыра алатындай, құрмет пен қолдауды сезіне алатындай жағдай жасау.

Өмірлеріңіз қуанышқа, үйлеріңіз бақытқа, жандарыңыз жылулыққа толсын. Айналаңызда сенім артар жандар көп болсын! Алға қойған жоспарларыңыз бен армандарыңыз орындала берсін! - деп құттықтады Ж.Қасымбек.