Қазақстандық оқушылар Халықаралық философия олимпиадасында алғаш рет марапатқа ие болды

фото: Оқу-ағарту министрлігі

14-17 мамыр аралығында Варшава қаласында 10-11 сынып оқушылары арасында Халықаралық философия олимпиадасы өтті, деп хабарлайды Elordainfo.kz Оқу-ағарту министрлігіне сілтеме жасап.

Биылғы білім бәйгесіне әлемнің 50-ден астам елінен 118 оқушы қатысып, өзара бақ сынады.

Халықаралық дода қорытындысы бойынша Қазақстан ұлттық құрамасының мүшелері құрмет грамоталарымен марапатталды. Атап айтқанда, Қарағанды қаласы Қаныш Сәтбаев атындағы гимназиясының 11-сынып оқушысы Евгения Шатохина мен «Алматы-Медеу» Зияткерлік мектебінің 11-сынып оқушысы Сәкен Заңғар ел мерейін үстем етті.

Айта кетейік, қазақстандық оқушылар аталған олимпиада тарихында алғаш рет марапатқа ие болып отыр. Бұл – еліміздің жас зияткерлерінің философиялық ойлау мәдениеті мен білім деңгейінің қалыптасқанының айқын көрінісі.

Еске салайық, бұдан бұрын астаналық оқушылар Балқан математикалық олимпиадасында үздіктер қатарына енгені туралы жаздық.