Пхукетте қазақстандықтар отырған қайық суға батып кетті

Фото: видеодан алынған скрин

Қайықта Қазақстанның 8 азаматы болған. Олардың үшеуі ауруханаға жатқызылды, деп хабарлады Ekordainfo.kz.

«Қайықта Қазақстанның 8 азаматы болған. Барлық зардап шеккендерге медициналық көмек көрсетілді. Қазіргі уақытта 3 ҚР азаматы ауруханаға жатқызылып, дәрігерлердің бақылауында. Олардың жағдайы тұрақты деп бағалануда. Шығындар сақтандыру компаниясы тарапынан өтелуде. Консул азаматтармен тұрақты байланыс орнатып, қажетті қолдау көрсетіп отыр», - деп хабарлады ҚР СІМ.

Таиландтың туристік полициясының мәліметінше, Андаман теңізінде апатқа ұшыраған қайық портында 55 адам болған. Оның 52-сі – турист, 3-уі – экипаж мүшесі. Қайықта Ресей, Өзбекстан, Қырғызстан, Польша және Ұлыбританиядан барған туристер де болған. Бортта барлығы 33 ресейлік, төрт Өзбекстан азаматы және екі Қырғызстан азаматы болған.