Мәжіліс жаңа Конституцияға байланысты Салық кодексіне енгізілетін түзетулерді қабылдады

Фото: Ұлттық экономика министрлігі

Мәжіліс жаңа Конституцияны іске асыру мақсатында әзірленген «Қазақстан Республикасының Салық кодексіне өзгерістер енгізу туралы» депутаттық заңды екінші оқылымда қабылдады, деп хабарлайды Elordainfo.kz төменгі палатаның баспасөз қызметіне сілтеме жасап.

Түзетулер бір палаталы Парламент – Құрылтайдың құрылуына, Қазақстан Халық Кеңесінің құрылуына, сондай-ақ азаматтардың Конституциялық сотқа жүгінуі кезіндегі мемлекеттік бажды алып тастауына қатысты.

Ұсынылып отырған түзетулер құқықтық-техникалық сипатқа ие және заңнаманы жаңа институционалдық жүйеге сәйкестендіруге бағытталған. Олар салық жүктемесін де, салық салу тетіктерін де өзгертпейді.