Қорғаныс министрі Олимпиада жүлдегерлерін марапаттады

Фото: Қорғаныс министрлігінен

Қорғаныс министрі Руслан Жақсылықов Ислам Сәтбаев пен Нариман Құрбановты «Ел қорғаны» ведомстволық медалімен марапаттады, деп хабарлады Elorda.info.

Ислам Сәтбаев спортшы Александра Ле-мен жұптасып, аралас командалар арасындағы жарыста пневматикалық мылтықтан оқ атуда қола медаль жеңіп алып, еліміздің қоржынына Олимпиаданың алғашқы медалін әкелген болатын.

Спортшы-нұсқаушы, Қарулы күштердің қызметкері Нариман Құрбанов Олимпиада ойындарында екінші орын алып, Қазақстан құрамасының қоржынына төртінші медальді салды.

Армия спортшылары ҚР Қорғаныс министрі, генерал-полковник Руслан Жақсылықовтың бұйрығымен ведомстволық медальдармен марапатталды. Награда Олимпиада қорытындысы бойынша спортшыларға құрмет көрсету кезінде табысталады.