Елімізде жеке сот орындаушыларына қойылатын талаптар күшейтіледі

Фото: istockphoto.com

Мәжіліс бірінші оқылымда «Қазақстан Республикасының кейбір заңнамалық актілеріне атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» заң жобасын мақұлдады, деп хабарлайды Elordainfo.kz.

Мақұлданған заң жобасы бойынша, жеке сот орындаушыларына қойылатын талаптарды және олардың қызметін бақылау тетіктерін күшейту көзделіп отыр.

«Заң жобасында қолданыстағы жеке сот орындаушыларын заңнама мен Кәсіптік ар-намыс кодексін білу деңгейін тексере отырып аттестаттау енгізіледі. Бұл ретте қайта аттестаттаудан өтпеу лицензиядан айыруға негіз болады. Сондай-ақ үш жыл ішінде сыбайлас жемқорлық құқық бұзушылықтары үшін жауапқа тартылған адамдарды қызметке жіберуді қоса алғанда, көмекшілер мен тағылымдамадан өтушілерге қойылатын талаптар қатаңдатылады», - делінген хабарламада.

Сонымен қатар әділет органдарының бақылау өкілеттіктері, оның ішінде бұзушылықтарды жою туралы ұсыныстар енгізу және олар орындалмаған жағдайда лицензияның қолданылуын тоқтата тұру құқығы кеңейтіледі. Уәкілетті органдардың сұрау салуы бойынша жеке сот орындаушысының шоттары бойынша қаражаттың қозғалысы туралы мәліметтерді ұсыну міндеті көзделеді.

Еске сала кетейік, енді баспанадан шығарудан 10 күн бұрын борышкерлерге міндетті хабарлама жіберіледі.