Қазақстан мен Финляндия көлік саласындағы ынтымақтастықты нығайтады

Фото: Көлік министрлігінен

ҚР Көлік министрі Марат Қарабаев Финляндияның Қазақстандағы Төтенше және Өкілетті елшісі Янне Хейсканенмен кездесті, деп хабарлады Elordainfo.kz.

Тараптар көлікті декарбонизациялау және экологиялық таза технологияларды енгізу мәселелеріне ерекше назар аудара отырып, екіжақты ынтымақтастықтың перспективаларын талқылады.

Сонымен қатар Финляндияның Қазақстандағы Төтенше және Өкілетті елшісі фин бизнес өкілдері делигациясының алдағы уақытта Ақтауға іссапары туралы айтты.

Іссапар аясында Ақтау мен Құрық порттарын аралап, нысандардың жұмысымен танысу жоспарланған. Сапардың мақсаты – теңіз тасымалы саласында ынтымақтастықты одан әрі дамыту.