Астанада көпқабатты үйдегі өрт кезінде 9 бала арнайы масканың көмегімен құтқарылды

ТЖД видеосының скрині

Елордада өрт кезінде 12 адам құтқарылып, 25 адамды эвакуацияланды, деп хабарлайды Elordainfo.kz қалалық ТЖД-ның баспасөз қызметіне сілтеме жасап.

Өрт Сарыарқа ауданында, Жеңіс даңғылының бойындағы тоғыз қабатты үйдің екінші қабатынан шықты. ТЖД күштері екінші қабатта балкон және терезе жанғанын анықтады.

«Құтқарушылар жоғарғы қабаттардан 25 адамды эвакуациялады. Сонымен қатар, 12 адам, оның ішінде 9 бала арнайы масканың көмегімен құтқарылды», делінген хабарламада.

20 шаршы метр аумақты шарпыған жалынның әрі қарай таралуына жол берілмей, толық сөндірілді. Оқыс оқиғадан ешкім зардап шекпеген.