Астанада полиция аялдама павильонын бүлдірген құқық бұзушыны анықтады

Фото: Астана қаласы әкімдігі

Елордада полицейлер қоғамдық мүлікті бүлдірген 17 жастағы жасөспірімді анықтады, деп хабарлайды Elordainfo.kz қалалық полиция департаментіне сілтеме жасап.

Оқиға Жаңабаев көшесінде болған. Досымен бірге келе жатқан жасөспірім бұзақылық ниетпен аялдама павильонының әйнегін аяғымен теуіп, нәтижесінде әйнек сынған.

«Полиция қызметкерлері құқық бұзушының аты-жөнін анықтады. Ол ұсақ бұзақылық жасағаны үшін жауаптылыққа тартылып, материалдар шешім қабылдау үшін сотқа жолданды. Сонымен қатар, оның ата-анасы келтірілген материалдық шығынды өтейтін болды», делінген хабарламада.

Елорда полициясы қала мүлкін қасақана бүлдіру заң бұзушылық болып саналатынын және құқық бұзушылардың жасына қарамастан жауапкершілікке әкелетінін еске салады.