Астанадағы Экохабта ашық есік күні өтті

Фото: Астана қаласы әкімдігі

Бүгін Астанадағы «Bronx» тұрғын үйінде орналасқан Экохабта Ашық есік күні өтті, деп хабарлайды Elordainfo.kz.

Оң жағалаудағы Шаймерден Қосшығұлұлы көшесі, 8/1 мекенжайындағы Экохабта өткен іс-шара экологиялық өмір салты мен қайта өңдеудің заманауи әдістеріне арналды.

Бағдарлама аясында қатысушылар қайта өңдеу процесін іс жүзінде көрді, яғни ескі пластиктің қалай жаңа пайдалы бұйымдарға айналатынын тамашалады.

Сұрыптау бойынша шеберлік сағатынан өтті, атап айтқанда сарапшылар қайталама шикізатты дұрыс таңбалауды және бөлек жинауға дайындауды үйретті.

Эко-әдеттерді енгізу туралы білді, нақтырақ айтқанда, спикерлер күнделікті өмірде артық күш жұмсамай-ақ қоқыс мөлшерін қалай азайтуға болатыны туралы кейстерімен бөлісті.

Бұл іс-шара өз тұрмысын экологиялық тұрғыдан тиімді етіп, қала тазалығына үлес қосуға ұмтылған қала тұрғындарының басын қосты.

#астана