Астана қаласының Көлік және жол-көлік инфрақұрылымын дамыту басқармасы Арыс көпірінің астындағы жергілікті жол бөлігінде орташа жөндеу жүргізеді, деп хабарлады Elordainfo.kz Астана қаласы әкімдігінің ресми сайтына сілтеме жасап.
«Осыған байланысты 16-20 шілде аралығында аталған учаскеде қозғалыс толығымен жабылатын болады», - делінген хабарламада.
Елорда тұрғындары мен қонақтары қала жолдарында кептеліс болдырмас үшін қозғалыс бағытын алдын ала жоспарлауы қажет.
Басқарма уақытша қолайсыздықтар үшін кешірім сұрайды және жол-құрылыс жұмысының жүргізілуіне түсіністікпен қарауды сұрайды.
