Алматыда түркиялықтың жалған шот-фактура табысынан түскен жылжымайтын мүлкі тәркіленді

Фото: magnific.com

Прокуратура кеңсені және қылмыстық жолмен алынған табысты тәркіледі, деп хабарлайды Elordainfo.kz Бас прокуратураға сілтеме жасап.

«Түркия азаматы Алматы қаласында өзіне бағынышты компаниялар арқылы жұмыстарды нақты орындамай және тауарларды жеткізбей, 1 млрд теңгеден астам сомаға жалған шот-фактураларды жазып берудің заңсыз схемасын ұйымдастырған», делінген хабарламада.

Ол қылмыстық жолмен мүліктік пайда тауып, оны заңдастыру мақсатында астанадан үй-жай сатып алып, жалға берген.

Бірінші сатыдағы сот оған бас бостандығынан айыру жазасын тағайындап, рақымшылықты қолданған, алайда үй-жайды және оны жалға беруден түскен табысты міндетті түрде тәркілеу мәселесі шешілмеген.

Прокуратураның кассациялық наразылығы бойынша жоғары саты соты сот актілерін өзгертті. Сотталғанға мүлікті тәркілеу түріндегі қосымша жаза тағайындалып, үй-жайды және оны жалға беруден түскен табысты мемлекет меншігіне қайтарды.

Еске сала кетсек, Астанада заңсыз ойын бизнесінен алынған табыс өндірілді.