Досым Сәтпаев өзінің дабыл сөмкесін көрсетті (ФОТО)

Саясаттанушы Досым Сәтпаев өзінің дабыл сөмкесін көрсетті. Бұл туралы ол әлеуметтік желідегі парақшасында арнайы жазба қалдырды, деп хабарлады Elorda.info.

Мен Алматыда дүниеге келдім және осында ер жеттім. Бала кезімде кішігірім жер сілкінісі болып, үйде люстра мен қабырғалар қозғалған. Шағын балдарға  бірте-бірте адам үйрене бастайды. Ал 6 балдан жоғары болса, онда жағдай қиындау, - деді ол.

Сондай-ақ ол көпшілікке өзінің дабыл сөмкесін көрсетті.

Айтпақшы, адамдардың көбі дабыл сөмке жайлы біледі. Біреулер естіп, ендібіреулер көрген шығар. Тіпті біреулерде ол бар. Түндегі жағдайдан кейін осындай сөмке алғысы келетіндер қатары артады. Менің дабыл сөмкем осындай. Негізі оның көлемі – әр адамда әртүрлі, - деді саясаттанушы.

Спикер бұл сөмкені 2007 жылы «9 балл» атты фильмнің түсірілімі кезінде сатып алған. Фильмде төтенше жағдай кезінде адамдардың аман қалуы үшін қажет пайдалы ақпараттар айтылады.

Сөмкеде бірнеше адамға арналған керектілер бар.

Мұндағы құрғақ асты әрдайым жаңартып отыру қажет. Мұндай зат ешқашан артық болмайды. Әсіресе Алматыда тұратын азаматтар үшін керек. Бұл сөмкеде құжаттардың көшірмесі, дәрі қобдишасы, су, құрғақ рацион (ұзақ сақталатын), жеке күтім құралдары, шамдар, бірнеше оттық, жылы киім, ысқырық, пышақ, радоиқабылдағыш, зарядталған powerbank, фонарь, батареялар бар, - деді Досым Сәтпаев.