Қазақстан парашют экспорттайды

Қазақстан парашют экспорттайды, деп хабарлады Elorda.info.

Сондай-ақ отандық тамақ өнімдері мен ресторандар желісі Ресей нарығына шықты. Бұл туралы Сауда және интеграция вице-министрі Қайрат Төребаев айтты

Қазіргі уақытта Қазақстан тауарын 106 ел сатып алады. 650 белсенді экспорттаушының 80 пайызы – шағын және орта бизнес өкілдері. Оның 48 пайызы – тамақ өнімін өндірушілерге тиесілі. Биылғы І тоқсанда Өзбекстанға – азық-түлік, Ресейге – тұрмыстық химия, Қытайға мыс өнімдерін жеткізу бойынша келісімшарт жасалды. Үкімет алдында 2025 жылға дейін шикізаттық емес экспорт көлемін 41 млрд АҚШ долларына жеткізу міндеті тұр. Былтыр бұл сома 26,5 млрд долларды еңсерді.

Осы кезеңде шикізаттық емес тауарлардың экспорты 5,9 млрд АҚШ долларын құрады. Өсімі – 7,6%. Экспорттың өсуі, сондай-ақ тауарлардың позицияларының санын кеңейту есебінен де қамтамасыз етілді. Осы жылдың бірінші тоқсанында экспортқа жеткізілетін тауарлардың номенклатурасы 767 тауар позициясына ұлғайды, - деді Сауда және интерация вице-министрі Қайрат Төребаев.