Ертеңгі ауа райы болжамы қандай

Синоптиктер 31 наурызға арналған ауа райы болжамын ұсынды, деп хабарлады Elorda.info.

«Қазгидромет» РМК мәліметінше, еліміздің солтүстік, орталық облыстары жауын-шашынсыз, салқын ауа райы күтілетін суық антициклонның ықпалында болады. Қалған аумақта  атмосфералық фронтальды бөліктердің өтуімен жауын-шашын, оңтүстік-шығыста – қар аралас жаңбыр, республиканың оңтүстігі мен батысында – қатты жаңбыр жауады.

Синоптиктердің болжауынша, оңтүстікте – өте қатты жел, шаңды дауыл, оңтүстік-батыста – найзағай ойнап, тұман түседі.

Астанада – көшпелі бұлт шығады, жауын-шашынсыз. Шығыстан соғатын жел түнде 3-8 м/с, күндіз 7-12 м/с. Ауа температурасы түнде -7-9°С, күндіз +2+4°С.

Алматыда – көшпелі бұлт шығады, түнде және таңертең жаңбыр жауады. Солтүстік-шығыстан 3-8 жел соғады, күндіз екпіні 13 м/с. Ауа температурасы түнде +3+5°С, күндіз +10+12°С.

Шымкентте – көшпелі бұлт шығады, жауын-шашынсыз. Шығыстан соғатын жел солтүстік-шығыстан 8-13, күндіз екпіні 17-22 м/с. Ауа температурасы түнде +10+12°С, күндіз +21+23°С.