Елордалық полицейлер есірткі сатушысын ұстады

Елордалық  полицейлер есірткі сатушысын ұстады, деп хабарлады Elorda.info Polisia.kz-ке сілтеме жасап.
«Құқықтық тәртіп» жедел-алдын алу іс-шарасын өткізу барысында Астана қаласы ПД Есірткі қылмысына қарсы іс-қимыл басқармасының полицейлері «героин» есірткі затын өткізу арнасының қызметін тоқтатты.

Ұлы Дала көшесінде жедел іс-шаралар өткізу кезінде бұрын есірткі қылмысы үшін бірнеше рет сотталған 47 жастағы қала тұрғыны ұсталды. Күдіктінің тұрғылықты жерін тінту барысында ас үй тартпасынан ақшыл түсті түйіршікті консистенциясы бар полиэтилен пакет және электронды таразы табылды.

Зерттеу қорытындысына сәйкес, тәркіленген заттар салмағы 88,89 грамм «героин» есірткі заты болып табылады.

Қазіргі уақытта сотқа дейінгі тергеу амалдары жүргізілуде. Күдікті қамауға алынды, - деді  ПД ЕҚҚІБ бастығы полиция полковнигі Рустам Гасизов.