«Сүндет той деп 600 адам шақырады»: Роза коуч той жасай беретіндерді сынады

Танымал коуч, психолог Роза Әшірбаева желідегі парақшасында баланы сүндетке отырған соң дүркіретіп той жасайтындарды сынады, деп хабарлады Elordainfo.kz.

«Әлі күнге дейін миллиондап ақша жұмсап, сүндет той жасайтындарды түсінбей келемін. Бұл жай ғана баланы сүндетке отырғызу ғой. Соған той жасайсыңдар. Менің әке-шешем солай жасады. Бізде үш қыздан кейін ұл ғой. 2005 жылы Сарыағашта 600 адамға  сүндет той істеген. Ішіне машина кіргізіп, баланы киіндіріп, ол сосын ақша жинады. Осыдан 20 жыл бұрын ғой. Ол кезде біз де баламыз ғой, күшті деп жүрдік. Қазір ойлап қарасам қандай әурешілік  жағдай. Мен мұны түсінбеймін»,- деді Роза Әшірбаева. 

Желі қолданушылары коучтың айтқан пікіріне қосылды. 

«Дұрыс айтасыз», «Өзім ешқандай артық тойлар жасамаймын, адамдарды да өзімді де әурелетпеймін», «Той таза шығын», «Қазақтар той десе, алдына жан салмайды ғой», «Мен де тойға қарсымын», «Төрт ұлыма да сүндет той жасамадым»,- деп жазуда олар.