«Қайраттың» Чемпиондар лигасындағы қарсыластары белгілі болды

Алматылық «Қайраттың» Чемпиондар лигасының жалпы кезеңіндегі қарсыластары анықталды, деп хабарлады Elordainfo.kz.

Регламентке сәйкес, команда сегіз матч өткізеді: төртеуін – өз алаңында, төртеуін – сырт алаңда. «Қайрат» өз алаңындағы матчтарын Алматыдағы Орталық стадионда қабылдайды.

Бірінші себеттен алматылықтарға «Реал Мадрид» (ойын Алматыда өтеді) және миландық «Интер» (ойын сырт алаңда өтеді) түсті.

Екінші себеттегі қарсыластары – лондондық «Арсенал» (Англияда) және бельгиялық «Брюгге» (Алматыда).

Үшінші себеттен клуб Лиссабонда португалиялық «Спортингпен» және Алматыда грекиялық «Олимпиакоспен» ойнайды.

2025/26 жылғы Чемпиондар лигасының матчтары өтетін күндер:

Жалпы кезең:

1-тур – 16-18 қыркүйек 2025 жыл;

2-тур – 30 қыркүйек – 1 қазан 2025 жыл;

3-тур – 21-22 қазан 2025 жыл;

4-тур – 4-5 қараша 2025 жыл;

5-тур – 25-26 қараша 2025 жыл;

6-тур – 9-10 желтоқсан 2025 жыл;

7-тур – 20-21 қаңтар 2026 жыл;

8-тур – 28 қаңтар 2026 жыл.

Плей-офф:

Өтпелі матчтар – 17/18 және 24/25 ақпан 2026 жыл;

1/8 финал – 10/11 және 17/18 наурыз 2026 жыл;

Ширек финал – 7/8 және 14/15 сәуір 2026 жыл;

Жартылай финал – 28/29 сәуір және 5/6 мамыр 2026 жыл;

Финал – 30 мамыр 2026 жыл, Будапешт.

«Қайрат» бұл кезеңде алғаш рет өнер көрсетеді. Сонымен қатар жалпы кезеңнің дебютанттары қатарында кипрлік «Пафос», норвегиялық «Будё-Глимт» және бельгиялық «Юнион СЖ» бар.

Еске салайық, биылғы Чемпиондар лигасында «Қайрат» словениялық «Олимпияны» (екі матч қорытындысы бойынша 3:1) жеңуден бастады. Екінші кезеңде алматылықтар финляндиялық «КуПС-қа» қарсы ойында камбэк жасап (3:2), келесі кезеңге өтті. Үшінші кезеңде словакиялық «Слованмен» кездесіп, жалпы есепте жеңіске жетті (1:1, пенальти сериясында – 4:3). Ал плей-офф кезеңінде «Қайрат» шотландиялық «Селтикті» жарыс жолынан шығарып, сенсация жасады (0:0, пенальти – 3:2).