Елордада «Дала қырандары» республикалық турнирі өтеді

Астанада Жақсылық Үшкемпіров атындағы «Жекпе-жек» сарайында «Дала қырандары» республикалық турнирі өтеді, деп хабарлады Elorda.info.

Имидждік турнирдің мақсаты – 8 салмақ дәрежесінде еліміздің ең үздік балуандарын анықтау.   

Жыл басынан бері 5 рейтингтік жарыс өткен болатын. Сол жарыстардың қорытындысы бойынша әр салмақтың ең жоғары ұпай жинаған 8 балуаны анықталды. Елорда төріндегі боз кілемде тек осы үздіктер ғана белдеседі.

Ал  турнир соңында тек 8 салмақтың жеңімпаздары ғана марапатталады. Жеңістің биік тұғыра көтерілгендер «Дала қыраны» титулының иегері атанып, өз салмағының «Бас балуаны» атағына ие болады.

Сондай-ақ әр салмақтың жеңімпаздары желтоқсан айында елордада өтетін Әлем чемпионатына жолдама алады.