Футболдан Премьер-лига командаларының 24-тур ойындары басталады

23 қазан күні футболдан Премьер-лига командалары арасындағы ел біріншілігінің 24-туры басталады, деп хабарлады Elorda.info.

«Inform.kz» жазуынша, аталған турдағы ойындар 23 және 24 қазан күндеріне белгіленген. Алғашқы күнінде төрт кездесу өткізілсе, екінші күніне үш ойын белгіленген.

 Бұл турда көш басында келе жатқан «Ақтөбе» өз алаңында Түркістанның «Тұранын» қабылдаса, елордалық «Астана» «Атыраумен» жасыл алаңға шығады.

Барлық ойын кестесі төмендегіше:

23 қазан

14:00. «Шахтёр» (Қарағанды) - «Қайрат» (Алматы)

15:00. «Ақжайық» (Орал) - «Қызылжар» (Петропавл)

16:00. «Мақтарал» (Түркістан облысы) - «Тобыл» (Қостанай)

18:00. «Астана» - «Атырау»

24 қазан

15:00. «Тараз» - «Каспий» (Ақтау)

17:00. «Ақсу» (Павлодар облысы) - «Ордабасы» (Шымкент)

19:00. «Ақтөбе» - «Тұран» (Түркістан)

Қазір турнир кестесінде 23 ойыннан кейін 45 ұпаймен «Ақтөбе» көш басында келе жатса, одан кейінгі орындағы «Астананың» 44 ұпайы бар.