«Көңілімнен шыққан жоқ»: Жұлдыз бен Қайрат шетелде демалып жүр

Отандық танымал әнші Қайрат Нұртас отбасымен бірге Біріккен Араб Әмірліктерінің Абу-Даби қаласында демалып жүр. Бұл туралы оның жұбайы, актриса Жұлдыз Әбдікәрімова әлеуметтік желідегі парақшасында көрсетті, деп хабарлады Elordainfo.kz.

«Баршаңызға қайырлы күн!  Бұл stories мені іздеп жатқан оқырмандарға арналады. Уайымдамаңыздар, бәрі жақсы. Бірақ, бір қызық айтып өтейін. Осы жерге келген күннің ертеңінде мен бірден ауырып қалдым. Тамағым ауырып, даусым шықпай қалды. Сол себепті мен осы демалысты үнсіз демалыс деп атаймын. Бүгін ғана дауысым шығып жатыр. Бастысы көңіл –күй керемет»,- деді Жұлдыз Әбдікәрімова.

Желі оқырмандары танымал актрисаға қонақ үй мен тамаққа қатысты сұрақтар қойды. 

«Көп оқырман «тамағың көрсетіңізші» деп сұрап жатыр.  Негізі өзім тамақ көрсеткенді жақтырмаймын. Дегенмен, осы жаққа демалысты жоспарлаған оқырманым үшін арнайы кешкі асты көрсетіп шығамын.  Әлемдік деңгейдегі отель болғаннан кейін осы жерге тоқтадық. Бірақ өкінішке қарай, менің көңілімнен қатты шыққан жоқ. Десе де маған жағажай ұнады»,- деді актриса. 

Сонымен қатар Жұлдыз Әбдікәрімова оқырмандардың Қайрат Нұртасты сұрап жатқанын айтты.

«Жалпы мені Жұлдыздың парақшасынан іздеп жатыр екенсіздер. Бұл кісі бөлек контент, мен бөлек контент қой. Мені таппай жатқандар болса, жеке парақшама кіріп, көрсеңіздер болады. Лүпілдеріңізді басып кетіңіздер»,- деді Қайрат Нұртас.