Елордада көпқабатты тұрғын үйде өрт шықты

Астаналық өрт сөндірушілер «Есіл» ауданындағы Бұқар жырау көшесінде орналасқан он екі қабатты тұрғын үйдегі өртті сөндіруде, деп хабарлайды Elordainfo.kz ТЖМ баспасөз қызметіне сілтеме жасап.

Алғашқы бөлімшелер барған кезде 7-қабаттағы пәтерде қою түтін байқалған.

«Дереу өрт сөндіру оқпандары беріліп, өртті толық сөндіру үшін барлық шаралар қабылдануда.

Судың үздіксіз берілуі қамтамасыз етілді. ТЖМ күштерімен жоғары қабаттардан 10 адам эвакуацияланды», - делінген хабарламада.

Нақтыланған деректерге сәйкес, ас үйдегі тұрмыстық техника, үй заттары мен жиһаз өртенген.

Еске сала кетейік, Астанада жол ережесін бұзған көлікті ақылы түрде эвакуациялау жүйесі енгізілді.