Елімізде балалар үйлеріндегі бала саны екі есеге азайды

фото: freepik.com

Соңғы 10 жылда елімізде балалар үйлеріндегі бала саны екі есеге азайды, деп хабарлады Elordainfo.kz.

Оқу-ағарту вице-министрі Еділ Оспанның мәліметінше, жыл сайын Қазақстан азаматтары отбасына 1000-нан астам жетім баланы қабылдайды. Былтыр балалар үйлеріне балама қамтамасыз ететін балаларды қабылдайтын кәсіби отбасы институты енгізілді.

«Жүргiзiлген шаралардың нәтижесiнде балалар үйлерiнде тәрбиеленетiн балалар саны соңғы 10 жылда екi есеге қысқарды», - деді спикер ОКҚ алаңында өткен дөңгелек үстел барысында.

Сонымен қатар, балалар үйінің түлектерін әлеуметтік қолдауға бағытталған «Мейірім» қайырымдылық акциясы еліміздің барлық аумақтарында іске асырылуда. Жетім балаларды тұрғын үймен қамтамасыз етудің жаңа тетіктері енгізілді.