Биыл Наурызды тойлауға қанша ақша бөлінді

Фото: Оңалхан Өнерхан

Бұл туралы Үкімет отырысынан кейінгі баспасөз конференциясында мәдениет және ақпарат вице-министрі Евгений Кочетов айтты, деп хабарлады Elordainfo.kz.

«Өздеріңіз білетіндей, Наурыз мейрамы осымен екінші жыл қатарынан жаңа «Наурызнама» тұжырымдамасы аясында тойланып келеді. Соған орай көптеген іс-шара жоспарланған. Қазір бюджеттен қанша қаржы бөлінгенін нақты айта алмаймын. Себебі әр өңір бұл мерекені өздері ұйымдастырады және оған жергілік мемлекеттік орган атсалысады. Сондықтан нақты цифраны айту мүмкін емес»,- деді Евгений Кочетов.

Вице-министр Наурыз мейрамы кезінде ұйымдастырылатын көрме мен жәрмеңкелер кәсіпкерлердің қолдауымен өтетінін атап айтты.