Іздеу 
Дәукен Тұрдашев
Астанада мектеп мұғалімдері мен оқушылары туған жерге деген махаббатын әнмен жеткізіп, елге деген құрметін жүрекпен сезіндіретін ерекше челлендж ұйымдастырды, деп хабарлайды Elordainfo.kz қала әкімдігінің ресми сайтына сілтеме жасап.
«Атамекен» әнін орындау челленджіне 460 оқушы мен 20 мұғалім қатысып, бірлік пен ынтымақтың, отансүйгіштік пен патриотизмнің ерекше үлгісін көрсетті.
«Әрбір әуеннен туған жерге деген сағыныш, әрбір сөзден Отанға деген сүйіспеншілік сезілді. Жас ұрпақ пен ұстаздардың бір арнада тоғысып, жүрек тербетер әнді бірге орындауы – елге деген құрметтің, рухани бірліктің айқын көрінісі», – делінген хабарламада.
Бұған дейін астаналық жас өнерпаздар Республика күніне арнап бейнежоба әзірлегені хабарланған еді.
