Астанада қонақ үйге жапсарлас салынған моншада өрт шықты

Каллаж: Elordainfo.kz // t.me/astana112_tjd

Астана қаласы Н.Оңдасынов көшесі бойындағы үш қабатты қонақ үй кешеніне жапсарлас салынған моншада өрт шықты, деп хабарлады Elordainfo.kz елордалық ТЖД баспасөз қызметіне сілтеме жасап.

«Өрт сөндіру бөлімшелері оқиға орнына келген кезде саунаның бу бөлмесінде 10 шаршы метр алаңда өрт болғаны анықталды. Өрт сөндірушілердің күшімен өрт толығымен сөндірілді. Зардап шеккендер жоқ. Өрттің шығу себебі анықталуда.

Төтенше жағдай туындаған кезде 112 нөміріне қоңырау шалыңыз», - деді ведомстводан.

Бұған дейін елордада жанып жатқан жеке тұрғын үйден газ баллондары дер кезінде шығарылғанын, сонымен қатар қала ортасындағы көлік өртінің сөндірілгенін жазған болатынбыз.