Алаяқтыққа қатысы бар қазақстандық Түркиядан елге жеткізілді - ІІМ

Фото: ІІМ видеосының скрині

Алаяқтық жасады деген күдікпен халықаралық іздеуде жүрген ер адам Түркиядан депортацияланды, деп хабарлайды Elordainfo.kz Polisia.kz-ке сілтеме жасап.

Іздеуде жүрген ер адам Қазақстан ІІМ Интерпол Ұлттық орталық бюросының сұрауы бойынша Түркияның Самсун қаласында ұсталған. Оны Қазақстанға қайтаруды ұйымдастыруда ҚР ІІМ-нің Түркиядағы өкілі мен Қазақстанның Түркіиядағы елшілігі елеулі көмек көрсетті.

Тергеу мәліметі бойынша күдікті 2024 жылдың қыркүйек-желтоқсан айлары аралығында ақпараттық жүйелер мен Instagram-дағы аккаунтын пайдаланып, Атырау қаласының екі тұрғынының үш миллион теңгеден астам қаражатын алдап иемденген.

Күдікті Алматы қаласы полиция департаментінің уақытша ұстау изоляторына қамалды.