Астаналық көпбалалы аналарға мемлекеттік наградалар табысталды

Республика күні қарсаңында Байқоңыр ауданының әкімі Талғат Рахманберді көпбалалы аналарға «Алтын алқа» және «Күміс алқа» мемлекеттік наградаларын табыстады, деп хабарлады Elordainfo.kz.

«Республика күні – Тәуелсіздігімізді айқындап, егемендігімізді асқақтататын аса маңызды мереке.

Осы ұлттық мерекеміз қарсаңында алтын құрсақты аналарымыз мемлекеттік наградаларына ие болды.

Ел іргесінің бекем болуы – ұлт жанды ұлдарымыздың қолында болса, оларды дүниеге әкеліп, тәлімді тәрбиесімен сусындатқан – ардақты аналар. Сол үшін де бала тәрбиелеудегі аналардың ерен еңбектері мен қоғамдағы атқарар рөлі қашан да құрметке лайық.

Батыр ана атанған азаматшаларымызды мемлекеттік марапаттарымен шын жүректен құттықтаймын!» - деп жазды аудан әкімі.