Қандай тағамдар қан қысымын төмендетеді

Қан қысымын төмендету дәрілік және дәрілік емес әдістерді қамтитын кешенді тәсілді қажет етеді. Тамақтану денсаулықты қалыпта ұстауда шешуші рөл атқарады. Отбасылық дәрігер Азамат Байбалаев Elordainfo.kz тілшісімен қан қысымын төмендету үшін диетаны қалай ұстау керегі туралы ұсыныстармен бөлісті.

 Бірінші кезекте сарапшы тұзды тұтынуды азайтудың маңыздылығын атап өтті.

«Натрийді тұтынуды күніне 1500-2300 мг-ға дейін шектеңіз (шамамен 1 шай қасық тұз). Артық тұз сұйықтықтың сақталуына және қысымның жоғарылауына ықпал етеді", - деді доктор. Дәрігердің айтуынша, DASH (Dietary Approaches to Stop Hypertension) арнайы диетасы қысымды төмендетуде тиімді екенін дәлелдеді. Оған көкөністерді, жемістерді және дәнді дақылдарды көп тұтыну, сондай-ақ майсыз ақуыздың (балық, құс еті, майсыз сүт өнімдері) қалыпты мөлшері кіреді. "Сонымен қатар, жоғары қысымнан зардап шегетін адам қаныққан майларды, қантты, өңделген тағамдарды және алкогольді тұтынуды шектеуі керек», - деді сарапшы.

Жағдайды нашарлатуы мүмкін тағы бір қауіпті өнім - кофеин.

«Калийді тұтынуды арттыру, яғни банан, шпинат, картоп сияқты калийге бай тағамдар ағзадағы электролит балансын жақсарту арқылы қысымды төмендетуге көмектеседі», - деп кеңес берді маман.

Сондай-ақ, егер артық салмақ болса, оның дене салмағының 5-10% - ға төмендеуі қан қысымын едәуір жақсарта алады. Қорытындылай келе, дәрігер артериялық гипертензияны өз бетімен емдеу инсульт, миокард инфарктісі, жүрек жеткіліксіздігі сияқты ауыр асқынуларға әкелуі мүмкін екенін еске салды. Егер науқастыңі қан қысымы үнемі жоғарылаған жағдайда кәсіби көмекке жүгіну керек.

Автор: Мария Конюхова

Аударған: Салтанат Мұратқызы