«Жол қателікті кешірмейді»: жол апатынан аман қалған жүргізуші үндеу жасады

Оңалхан Өнерхан

Дүниежүзілік жол апаты құрбандарын еске алу күні қарсаңында Ақтөбе облысында полицейлер өңірдегі қауіпті учаскелердің бірі – Самара-Шымкент тасжолында профилактикалық акция өткізді, деп хабарлайды Elordainfo.kz.

Жүргізушілерге қауіпсіздік белдігін тағудың, жылдамдықты сақтаудың және ұзақ сапарға шығарда демалып алудың маңызы түсіндірілді.

Сондай-ақ іс-шара барысында осы жолда болған ауыр жол апатынан аман қалған жүргізуші өзге азаматтарды рөлде аса мұқият болуға шақырды.

«Түнімен ұйықтамаған соң, рөлде қалғып кетіппін. Көлік тізгіндегенде барынша сақ болыңыздар. Жол қателікті кешірмейді», - дейді апаттан аман қалған азамат.