Зайсан мен Катонқарағай әуежайларында алғашқы рейстер келесі жылдың көктемінде орындалуы мүмкін

freepik.com

Зайсан мен Катонқарағай әуежайларында алғашқы рейстер 2026 жылғы көктемде орындалуы мүмкін. Бұл туралы ОКҚ алаңында өткен баспасөз конференциясында ШҚО әкімі айтты, деп хабарлады Elordainfo.kz.

Өңір әкімі Нұрымбет Сақтағанов айтуынша, Зайсанда әуежай құрылысы 60 пайыз, ал Катонқарағайда 55 пайыз аяқталған.

Ұшып-қону жолақтары салынған, қазір перрон, аэровокзалдардың құрылысы жүргізіліп жатыр. Жыл соңына дейін бұл құрылыс жұмыстары аяқталады деп күтіліп отыр.

Сонымен қатар «ҚазАэроНавигация» қажетті жабдықты монтаждау жұмыстарын жүргізіп жатыр.

«Келесі туристік маусымның басында әуежайлар алғашқы ұшақтарды қабылдайды деп ойлаймын, сәуір-мамыр айларынан бастап», - деді әкім ОКҚ алаңында қойылған сұраққа берген жауабында.

#әуежай