Қыркүйекте Алматы мен Қырғызстанның Қаракөлі арасында автобус қатынайды

Фото: freepik.com

Қыркүйектен бастап «Кеген» бақылау-өткізу пункті арқылы халықаралық маңызы бар Алматы – Қаракөл автобус бағыты ашылады, деп хабарлады Elordainfo.kz Қырғызстан президентінің баспасөз хатшысының Facebook-тегі парақшасына сілтеме жасап.

Бұл шешім екі елдің басшылары Қасым-Жомарт Тоқаев пен Садыр Жапаровтың келісімдерінің нәтижесінде қабылданған.
Еске салайық, мұндай бағыт Кеңес Одағы кезінде болғанымен, тәуелсіздік алғаннан кейін түрлі себептерге байланысты тоқтаған болатын. Енді бұл бағыт жыл бойы тұрақты түрде жұмыс істейді.
Еске салайық, өткен аптада мемлекет басшысы Қасым-Жомарт Тоқаев Қырғызстанға ресми сапармен барып, келіссөздер жүргізген болатын.

#автобус