Шолпан Қорғанбек: Домбыра – халқымыздың сан ғасырлық шежіресін жеткізген қасиетті мұра

Фото: instagram.com/qorqyt_ethno_official

«Қорқыт» этноансамблінің көркемдік жетекшісі, «Ерен еңбегі үшін» медалінің иегері Шолпан Қорғанбек Ұлттық домбыра күніне орай қазақстандықтарды мерекемен құттықтап, ұлттық аспаптың рухани маңызына тоқталды, деп хабарлайды Elordainfo.kz.

Өнер қайраткерінің айтуынша, домбыра – қазақ халқының сан ғасырлық тарихы мен рухани мұрасын бүгінгі ұрпаққа жеткізіп келе жатқан баға жетпес құндылық.

«Домбыра – халқымыздың сан ғасырлық шежіресін жеткізген қасиетті мұра. Ол – ұлттық мәдениетіміздің өшпес құндылығы. Қазақтың музыкасы ұрпақтан ұрпаққа жалғасып, халқымызбен бірге мәңгі жасай берсін», – деді Шолпан Қорғанбек.

Сөз соңында ол барша қазақстандықтарды Ұлттық домбыра күнімен құттықтап, ұлттық өнердің мерейі үстем болып, қазақтың қасиетті қара домбырасының үні әрдайым асқақтай беруіне тілектестік білдірді.

Әлеуметтік желілерді бөлісіңіз