Қазақстандық муайтайшылар халықаралық турнирде жоғары нәтиже көрсетті

Түркияның Кемер қаласында муайтайдан өткен XIV Antalya Open Cup халықаралық турнирі өз мәресіне жетті, деп хабарлайды Elordainfo.kz Туризм жəне спорт министрлігіне сілтеме жасап.

Дүбірлі додаға әлемнің 25 елінен 500-ден астам спортшы қатысып, өзара мықтыны анықтады. Олардың қатарында Қазақстан құрамасының спортшылары да өнер көрсетті.

Жарыс қорытындысы бойынша қазақстандық спортшылар жоғары нәтиже көрсетіп, 20 алтын, 11 күміс және 7 қола медаль жеңіп алды. Осы жетістіктің арқасында ұлттық құрама жалпыкомандалық есепте екінші орынды иеленді.

Бірінші орын иесі — Түркия құрамасы (26 алтын, 50 күміс, 73 қола), үшінші орын Мажарстан құрамасына бұйырды (9 алтын, 4 күміс, 0 қола).

Айта кетейік, Antalya Open Cup — муайтай спортындағы беделді халықаралық турнирлердің бірі болып табылады. 

Еске салсақ, астаналық команда халықаралық турнирдің жеңімпазы атанды.