Қазақстанда аумақтардың геологиялық зерттелуі кеңейтіліп жатыр — вице-министр

Геология

Өнеркәсіп және құрылыс вице-министрі Иран Шархан Үкімет отырысында Президенттің тапсырмасы бойынша Қазақстанда елдің геологиялық-геофизикалық зерттелуін 2,2 млн шаршы шақырымға дейін кеңейту жұмыстары жүргізіліп жатқанын хабарлады, деп хабарлайды Elordainfo.kz.
Ол бүгінде шамамен 2 млн шаршы шақырым зерттелгенін айтты.

«Аталған тәсіл бойынша 2026-2028 жылдары 100 мың шаршы шақырым аумақ зерттелетін болады. Одан кейін жыл сайын 30 мың шаршы шақырымнан қамтылады», — деді Иран Шархан.

Жұмысты жеделдету үшін 20 жобалық-сметалық құжаттаманы әзірлеуге Үкімет резервінен 240 млн теңге бөлініп, геологиялық түсірудің жаңа стандарттары бекітілгені атап өтілді.