Димаш Құдайберген Лондонда өткен концертінен кейін Германияға барды, деп хабарлайды Elordainfo.kz.

Алғаш рет Берлинге барған қазақстандық әншіні әуежайда жанкүйерлері қарсы алып, «We Are Golden» әнін шырқады.

Димаштың концерті Max-Schmeling-Halle атты Берлиндегі ең ірі спорт және мәдениет кешенінде өтеді.

Бұл арена 1993-1997 жылдары Joppien Dietz Architekten сәулет бюросының жобасы бойынша, қаланың 2000 жылғы Олимпиада ойындарын өткізуге берген өтініміне байланысты салынған болатын. Кешен әйгілі неміс боксшысы Макс Шмелингтің есімімен аталады.