Дастан Рыспеков Ұлытау облысының әкімі қызметінен босатылды

Фото: egemen.kz

Мемлекет басшысының Жарлығымен Дастан Адайұлы Рыспеков Ұлытау облысының әкімі лауазымынан босатылды, деп хабарлайды Elordainfo.kz Ақорданың баспасөз қызметіне сілтеме жасап.

Дастан Адайұлы Рыспеков еңбек жолын 2006 жылы Алматы қаласының экономика және бюджеттік жоспарлау департаментінде бастаған. Кейін Республикалық бюджеттің атқарылуын бақылау жөніндегі есеп комитетінде және «Астана ЭКСПО-2017» ҰК» АҚ-да басшылық қызметтер атқарды. 2020 жылы Туризм индустриясы комитетінің төрағасы болды. 2023 жылдан Ұлытау облысы әкімінің орынбасары, ал 2024 жылдың қазанынан Ұлытау облысының әкімі қызметін атқарды.

Еске салсақ, бұған дейін Серік Шәпкенов Атырау облысының әкімі қызметінен босатылғанын жаздық.